Twee Volkie-perderuiters, Caelee Johnstone en Angelina Jolie Pretorius het die naweek van 11 en 12 Augustus 2023 aan die SANESA Saddle Seat SA Kampioenskappe vir skole deelgeneem by die Afridome in Parys.
Die ruiters neem deur die jaar deel aan kwalifiseerende skoue. Na al 8 Kwalifiserende rondtes word die Provinsiale spanne bepaal waar Caelee Johnstone en Jolie Pretorius in die Noordwes Saddle seat span opgeneem is.
Caelee is ook verkies as die Noordwesspan se kaptein vanjaar. Sy en Jolie het die afgelope naweek deelgeneem aan die Suid-Afrikaanse Kampioenskappe teen provinsies van reg oor die land en het uitstekend gevaar.
Caelee Johnstone behaal die volgende Plasings met haar perd Doorndraai Black Hector:
SA Kampioen in vlak 7 – 3 Gang Ryperd-klas
SA Kampioen in vlak 7 – 3 Gang Ruiterkuns-klas
SA Kampioen in vlak 5 – Show Hack
SA Kampioen in vlak 5 – Western Pleasure
Caelee verower ook die trofee in die hoërskool-afdeling vir die beste ruiter en ook die trofee vir die beste algehele perd en ruiter kombinasie tydens die Suid-Afrikaanse kampioenskappe.
Angelina Pretorius behaal die volgende plasings met Uneske van Aveleda
Reserwe SA Kampioen in vlak 5 – 3 Gang Ryperd Klas
Reserwe SA Kampioen in vlak 5 – 3 Gang Ruiterkuns Klas
3de Plek in vlak 5 Show Hack Klas
Die ruiters het ook ʼn groot rol gespeel dat Hoër Volkskool bo aan die punteleer geëindig het by die Suid-Afrikaanse kampioenskappe en as die Hoërskool met die meeste punte gekroon is.
