Die NWU Eagles gaan vanaand (Maandag, 30 Maart) alles moet insit voor hul tuiskare op die Fanie du Toit-sportgronde teen die Ikeys van die Universiteit van Kaapstad.
Die NWU begin met Schalk du Plessis op oopkantflank in die plek van Tian van Zyl, wat nie vir die wedstryd beskikbaar is nie. Verder daar nie veranderinge in die begin 15-tal nie, met ‘n paar spelers wat op die bank inkom soos Carlo van Wijk en Zihan Bensch.
Stephan Krugel sal die NWU op slot aanvoer, met die wete dat ‘n oortuigende oorwinning ‘n tuis halfeindstryd sal bevestig.
“Ek is baie opgewonde oor die karakter van die span. Ons het ‘n groot geleentheid vanaand. Ikeys is ‘n sterk span wat harde rugby speel en ek sien uit na die stryd,” noem hy.
Volgens Krugel het sy span ten spyte van hul 30-26 nederlaag teen Maties verlede week, nie opgegee nie.
“Dit was vir my goed om te sien hoe ons op verdediging aangehou veg het. Dit motiveer ons, veral omdat verdediging toernooie wen op die einde van die dag,” noem hy.
Krugel voeg ook by dat hy glo dat hul verdediging ‘n bepalende faktor vir ‘n sege teen Ikeys kan wees.
Die wedstryd teen Ikeys skop om 19:00 af.
NWU teen Ikeys-span:
Begin 15-tal:
- Alethwa Buthelezi
- Jordan McLoughlin
- Jason Oosthuizen
- Stephan Krugel (kaptein)
- Rianiel Turner
- Ricardo Fourie
- Schalk du Plessis
- Guhan du Bois
- Zack Serfontein
- Ruan van Willing
- Logan Janeke
- Leejay Petersen
- Matthew Fortuin
- Luyolo Doyi
- Luan van der Walt
Reserwes:
- Hanro Venter
- Bradley Stanfliet
- Carlo van Wijk
- Zihan Bensch
- Sean Roulston
- Gary Otto
- MJ Mostert
- Jamiane Dampies
