Potchefstroom Gimnasium se rugbyspanne het hul plek boaan die punteleer van die Virseker Noordvaalbeker bevestig na die laaste wedstryde van die Bowl-Wes afdeling teen Hoerskool Jeugland op Mooivalleipark die afgelope Saterdag, 6 Junie.

Gimmies het ses van die nege wedstryde gewen. Dit sluit al die A-span wedstryde in, behalwe die o15A’s wat 15-21 verloor het.

Gimmies se eerste rugbyspan het met 40-35 teen die manne van Kempton Park gewen.

Na hierdie uitslae eindig Gimmies op 134.5 punte en sal nou teen die vierde gekeurde Merensky in die Bowl-Oos afdeling in ‘n oorkruiswegwedstryd in Tzaneen komende Saterdag (13 Junie) speel.

Uitslae:

• O14A: Gimmies 29-3 Jeugland
• O14B: Gimmies 29-26 Jeugland
• O15A: Gimmies 15-21 Jeugland
• O15B: Gimmies 15-28 Jeugland
• O16A: Gimmies 45-10 Jeugland
• O16B: Gimmies 39-10 Jeugland
• O19C: Gimmies 12-13 Jeugland
• O19B: Gimmies 42-10 Jeugland
• O19A: Gimmies 40-35 Jeugland