Die verdedigende Varsity Netbalkampioene het hul 2026 Varsity Netbalveldtog met ’n gemaklike 74-31-oorwinning teen die NMMU Madibaz op Sondag, 23 Augustus, in Stellenbosch begin.
Die verwagtinge is groot dat die NWU weer een van die aanspraakmakers in vanjaar se kompetisie sal wees.
Hulle het dit bewys nadat hulle reeds teen rustyd met 44-17 voorgeloop het, met Sunel Smit wat die doele aangeteken het.
Hierdie telling het deurgaans vergroot, met die span wat soos ’n eenheid gespeel het.
Die oud-Gimmie, Christi-Mari Coetzee, is as die speler van die wedstryd aangewys.
“Ons voel baie voorbereid vir die wedstryd teen Tuks. Dit gaan ;n wedstryd van hoe intensiteit wees. Vandag het ons goed beheer gehou in ons eerste wedstryd,” het sy na die wen teen die Madibaz genoem.
Die Eagles gaan nou vanmiddag om 17:00 teen Tukkies te staan kom in hul eerste groot toets van die seisoen.
Tukkies het hul wedstryd teen Kovsies met 55-58 verloor en sal graag teen die NWU op die wenpad wil kom.
’n Ander verrassing was toe UJ vir Maties gister met 46-39 geklop het.
