Ilné du Preez het haar hoërskoolloopbaan op die perfekte wyse afgesluit toe sy in die Noordwes-bergfietsspan ingesluit is vir die nasionale kampioenskappe wat vanaf 1-3 Oktober plaasvind.

In vyf jaar by Ferdies het Ilné nie een bergfietswedren gemis nie en elke wedren voltooi. Sy het ook ’n spesiale “Ek is bang ek mis iets”-trofee ontvang by die onlangse Noordwes Skolebergfiets-prysuitdeling.

Van Graad 8 tot Graad 12 het Ilné elke jaar haar Noordwes-kleure vir fietsry verwerf. Sy is ook vanjaar deel van die Caracal Velocity-bergfietsklub. Sy het ’n borgskap vir die jaar ontvang en is ook aangewys as een van slegs ses ambassadeurs vir die klub in 2026.