Anushka Mostert, Suzani van Wyk en Lené van Tonder is uitgevat in hulle beste 60's-uitrustings vir Laerskool Pietersburg se 60's-sokkie.
POLOKWANE – Laerskool Pietersburg het op Donderdag, 30 Januarie, ‘n sokkie vir die gr. 4 tot 7-leerders aangebied met die 60’s as tema.
Die sokkie is aangebied met die doel om geld in te samel vir die skool se eerste netbalspan wat in die Aprilvakansie ‘n netbaltoer na George wil onderneem.
Die span gaan aan ‘n toernooi deelneem wat deur Laerskool George-Suid aangebied word.
Tydens dié toernooi sal PLS se eerste netbalspan oor drie dae teen verskillende skole se netbalspanne deelneem. Die toer vind plaas van 28 Maart tot 1 April.
Die ouers van die eerste span se spelers het die geleentheid om deur die eerste paar maande van die jaar geld in te samel deur kos te verkoop by skoolfunksies asook deur borge se bydraes.
‘n Sokkie is die perfekte geleentheid vir ‘n meisie om op te tof. Melissa Smit, Marjoné de Beer en Joané van Dyk het presies dít gedoen vir Laerskool Pietersburg se 60’s-sokkie.
Frikkie Booyens en Henry van Wyk is twee “ducktails” wat groot planne het by Laerskool Pietersburg se 60’s-sokkie.
Anushka Mostert, Suzani van Wyk en Lené van Tonder is uitgevat in hulle beste 60’s-uitrustings vir Laerskool Pietersburg se 60’s-sokkie.
Adriaan Halgareen en Carika Beukes wag in vrede vir hulle maats voordat hulle in die skoolsaal ingaan vir Laerskool Pietersburg se 60’s-sokkie.
Michael Fourie en Jacques Swanepoel sê hulle is gereed vir Laerskool Pietersburg se 60’s-sokkie.
At Caxton, we employ humans to generate daily fresh news, not AI intervention. Happy reading!
