POLOKWANE – Die gr. 4-klas van Akademie Reformia het onlangs gekonsentreer op weer, spesifiek weeraanduidings soos weerhane, reënmeters en windkouse.
Met die teorie stewig onder die knie, het hulle onderwyser Lana Steyn die leerders opdrag gegee om ‘n weerhaan, reënmeter of windkous te maak. Tarien Saaiman het haar reënmeter vir Review gewys en gesê dié projek dien as die leerders se wetenskaptaak.
Diderik Brits se weerhaan is aangewys as die beste projek uit die groep.
“Ek is al 33 jaar lank ‘n onderwyser en ek kan dadelik sien wanneer ‘n leerder alleen of met minimum hulp ‘n taak voltooi het. Ek kan ook sien wanneer die ouers die taak voltooi het. Ek kon duidelik sien Diderik het sy taak self voltooi en hy het baie goeie werk daarvan gemaak,” het Steyn gesê.
