POLOKWANE – Leerders van Marne Ebersöhn Akademie het vanjaar bewys dat hulle ‘n mag is om mee rekening te hou op sportgebied.
Stefan Pretorius sal einde Augustus deelneem aan die Suid-Afrikaanse skopboks-kampioenskappe in Kaapstad nadat hy in Julie twee silwer en een brons medalje gewen het in die kwalifiserende ronde in Johannesburg.
Pretorius is al nege jaar betrokke by die sport en oefen twee keer per week vir twee ure lank.
Bernard Büys is ‘n persgordel-karateka en het goue en silwer medaljes gewen by die KSI Limpopo-kampioenskappe op 16 Augustus.
Büys is al vyf jaar betrokke by die sport en oefen drie ure twee keer ‘n week vir drie ure lank.
Frazer en Zara-leigh Cronjé, Roland Gouws en Tarita Botha het verlede Saterdag aan die Limpopo-luggeweerkampioenskappe deelgeneem.
Zara-Leigh het goud gewen terwyl Frazer brons, Roland silwer en Tarita brons medaljes gewen het.
Tarita het ook Limpopo-kleure verwerf en gaan van 5 tot 9 Oktober aan die Suid-Afrikaanse Luggeweer Kampioenskappe in Florida, Johannesburg deelneem.
Maegen, Cole en Came-ron Gilbert, Basil Nel, Marnoe van Rooyen, Anthony Coetzee, Nicola Buymann, Michelle Norman en Mikaela Booysen het onlangs aan die Limpopo-proewe vir skaak in Mokopane deelgeneem.
Van Rooyen en Coetzee het Limpopo-kleure ver-werf en gaan in die Suid-Afrikaanse skaakproewe speel op 24 September.
