POLOKWANE – Eleanore Reynecke is ‘n gr. 12-leerder van die Hoër Tegniese Skool Tom Naudé wat uitblink op talle gebiede.
Nie net het sy die ATKV-sertifikaat vir prestasie in Afrikaans ontvang met ‘n gemiddeld van 89% tydens die skool se prysuitdeling verlede Donderdag nie, sy het ook sewe jaarpuntonderskeidings in die vakke Afrikaans-huistaal, Engels eerste addisionele taal, wiskunde, fisiese wetenskappe, lewens-oriëntering, ingenieursgrafika en ontwerp asook elektriese tegnologie behaal.
Eleanore het die volgende trofeë tydens die skool se prysuitdeling ontvang:
• Die Saambou Trofee vir die beste prestasie in ingenieursgrafika en ontwerp;
• Die Org van den Berg Trofee vir beste prestasie in elektriese tegnologie;
• Die Jakkie Badenhorst Trofee vir beste prestasie in Afrikaans huistaal;
• Die Snyman Trofee vir beste prestasie in fisiese wetenskappe;
• Die Nedbank Trofee vir beste prestasie in wiskunde;
• Nie Erzet Trofee vir beste prestasie in wiskunde en fisiese wetenskappe, en die
• Kenze Trofee vir mees verdienstelike leerder in gr. 12.
Eleanore het ook ‘n goue medalje gekry omdat sy ‘n gemiddeld bo 80% gehandhaaf het deur die jaar, asook die Tommie-medalje vir die beste akademiese prestasie in gr. 12.
