BY Laerskool Krugerpark stap die onderwysers graag die ekstra myl om te verseker dat elke leerder die beste moontlike onderrig kry.
Die remediërende onderwys-sentrum word al vir vier jaar bedryf deur Thea Kruger en Tilla Theron.
“Ons het al in hierdie afgelope vier jaar groot hoogtes en puik resultate bereik,” sê Thea.
Hulle werk met leerders van gr. 1 tot -3 wat perseptuele uitvalle het, die leerders word deur Kruger en Theron asook deur die klasonderwyser geïdentifiseer.
Elke leerder kry vir ‘n halfuur intensiewe aandag, gedurende skoolure, waar hulle spesifieke probleme teiken.
“‘n Paar oefeninge wat ons met die leerders doen is onder andere, Audiblox, legkaart bou en geheue speletjies. Die oefeninge word gebruik om probleme soos analisesintese, lang- en korttermyngeheue, visuele- en ouditiewe persepsie, logiese denke en vele meer te bevorder,” sê Tilla.
