Michelle Ackerman en Tuané Pretorius verkyk hul aan mekaar se hare tydens Laerskool Louis Trichardt se Kansa Shavathon verlede week.
LOUIS TRICHARDT – Verlede Donderdag en Vrydag het die leerders van Laerskool Louis Trichardt ‘n kleurvolle fees beleef tydens die skool se Kansa Shavathon deelname.
Die leerders het elkeen R25 betaal om in gewone klere skool toe te kom en om hulle hare in pragtige helder kleure te laat spuit deur Kansa-vrywilligers; die juniors Donderdag en die seniors Vrydag.
Die geld wat só ingesamel is, sal deur Kansa aangewend word vir hul werksaamhede in die provinsie.
Met interessante haarstyle het die leerders oral op die skoolterrein gepronk en hulle kon selfs foto’s laat neem.
Herman Veldman maak gebruik van die Kansa Shavathon by Laerskool Louis Trichardt om sy hare vir die dag te jel. Haarjel word gewoonlik nie toegelaat by die skool nie.
Danielle Dreyer en Jumei Cordier maak seker dat almal hulle gekleurde hare kan bewonder tydens Laerskool Louis Trichardt se Kansa Shavathon.
Tersia Botha is in haar noppies met die pragtige patroon wat in haar hare gespuit is tydens Laerskool Louis Trichardt se Kansa Shavathon verlede week.
Marelize Olivier sê sy verkies om nie te uitspattig te wees nie. Sy het gekies om haar hare net een kleur te laat spuit tydens Laerskool Louis Trichardt se Kansa Shavathon.
Duhan Pretorius, Wessel Furstenberg en Philip Ludik spog met hulle bont koppe en haarjel tydens Laerskool Louis Trichardt se Kansa Shavathon.
At Caxton, every story is written by humans. We use AI only to perform quality checks - never to generate the news. Happy reading!
