Top 10 Pieties leer kommunikeer

Op 12 Maart het motiveringspreker G.P. van Rheede van Oudtshoorn die top 10-akademiese presteerders in elke graad van Hoërskool Pietersburg (PHS) toegespreek tydens PHS se Top 10-aand.

March 23, 2015

Riana Joubert 1 minute read

Ferdi Coetzer, Heinrich Höll, G.P. van Rheede van Oudshoorn (motiveringspreker), Juanine Bredenkamp, Mia du Toit, Willie Schoeman (PHS, skoolhoof), Daniël Snyman en Lourens Janse van Rensburg stem saam dat PHS se Top 10-aand op 12 Maart 'n reuse sukses was. Van Rheede van Oudshoorn het die top 10 akademiese presteerders van elke graadgroep toegespreek.

POLOKWANE – Op 12 Maart het motiveringspreker G.P. van Rheede van Oudtshoorn die top 10-akademiese presteerders in elke graad van Hoërskool Pietersburg (PHS) toegespreek tydens PHS se Top 10-aand.

Van Rheede van Oudtshoorn is ‘n dosent aan die departement van kommunikasie by die Uni-versiteit van Noordwes se Potchefstroom-kampus, ‘n motiveringspreker en lid van die swingband, It Takes Four.

Sy boodskap was een-voudig: kommunikasie is ‘n vaardigheid wat verbeter hoe meer mens dit oefen.

Hy het ook met die leerders en hul ouers, wat ook die geleentheid bygewoon het, gesels oor hoe belangrik doelgerigtheid is, veral wanneer dit ge-kombineer word met goeie kommunikasievaardighede.

Van Rheede van Oudts-hoorn het verduidelik dat hóé mens die uitdagings van die lewe hanteer, van jou persepsies asook jou gees-telike en sosiale waardes afhang.

Hy het die leerders aangemoedig om nooit tou op te gooi nie en altyd hard te werk in wat hulle ookal aanpak.