POLOKWANE – Curro Heuwelkruin Hoërskool se atlete het uitstekende prestasies behaal tydens die Limpopo-atletiekkampioenskappe vir skole op 7 Maart.
Sewe van hierdie skool se atlete is vir die Limpopo-atletiekspan gekies wat van 26 tot 28 Maart aan die senior Suid-Afrikaanse skoleatletiekkampioenskappe by die Royal Bafokeng Stadion in Rustenburg gaan deelneem.
Curro Heuwelkruin se atlete het as volg presteer tydens die Limpop-kampioenskappe:
• Remoneiloe Phasha het eerste plekke behaal in die 100 m vir meisies o/15 en die 200 m vir meisies o/15.
• Nicole Blount het ‘n tweede plek behaal in die 200 m vir meisies o/15.
• Minette Snyman het ‘n tweede plek behaal in die 200 m vir meisies o/17.
• Ilanie Heystek het ‘n eerste plek behaal in die 100 m vir meisies o/17.
• Mauritz Pretorius het ‘n derde plek behaal in die 200 m vir seuns o/17.
• Arno Horn het ‘n tweede plek behaal in die spiesgooi vir seuns o/17.
• Stefan Nel het ‘n eerste plek behaal in die spiesgooi vir seuns o/17.
Ander medalje-wenners:
• Lizette Pretorius het ‘n tweede plek behaal in die hoogspring vir meisies o/15.
• Claudi van Niekerk het ‘n derde plek behaal in die spiesgooi vir meisies o/19.
