Tawwe kompetisie vir noodhulpspan

VIER van Hoërskool Piet Potgieter se bekwame noodhulpspanlede het op 20 Maart aan 'n tawwe noodhulpkompetisie by Hoërskool Frikkie Meyer op Thabazimbi deelgeneem.

April 4, 2015

Less than a minute

Jaco Faber, Jennita Ngundu, Luke Horne en Charlene Swart het Hoërskool Piet Potgieter met trots verteenwoordig by die noodhulpkompetisie by Hoërskool Frikkie Meyer.

MOKOPANE – VIER van Hoërskool Piet Potgieter se bekwame noodhulpspanlede het op 20 Maart aan ‘n tawwe noodhulpkompetisie by Hoërskool Frikkie Meyer op Thabazimbi deelgeneem.

Die kompetisie het bestaan uit ‘n teoretiese toets en ‘n praktiese eksamen wat deur leerders afgelê moes word.

Hoërskool Warmbad het met die beker weggestap vir die algehele hoogste teoretiese en praktiese punt.

“Ek is baie trots op die leerders se uitstekende deelname en dankbaar vir die ervaring wat hul opgedoen het,” sê Wilma van Rooyen, organiseerder van die noodhulp by Hoërskool Piet Potgieter.