Schools

Pietersburg Laerskool-leerders deel hulle planne vir die hoërskool

Review het by gr.7-leerders van Pietersburg Laerskool gaan uitvind wat hulle voornemens is vir wanneer hulle hul hoërskoolloopbaan betree.

January 6, 2026
Maretha Swanepoel Less than a minute

POLOKWANE – Met jou laerskoolloopbaan agter die rug kan jy begin droom oor die hoërskool en jou tyd daar. Jy kan ook voornemens maak om beter te vaar in jou akademie, en op kultuur- en sportgebied.

Polokwane Review het by Pietersburg Laerskool gaan inloer om te hoor wat vanjaar se gr. 7’s beplan vir hulle eerste jaar op hoërskool.

Sharné Smit: Ek gaan na Hoër Tegniese Skool Tom Naudé toe en gaan probeer om meer positief te wees. Ek sal ook meer georganiseerd wil wees en meer doelwitte maak en nakom. Ek beoog ook om aan meer aktiwiteite deel te neem en natuurlik my plek in die top 10 te behou.
Chris-Louw Duvenhage: Ek gaan my hoërskoolloopbaan by Hoërskool Ben Vorster begin. Ek beplan om meer georganiseerd te wees en meer op my rugbyloopbaan konsentreer. Dan wil ek harder leer, oplet in die klas en my huiswerk doen. Laastens wil ek nie bang wees om foute te maak nie.
Jolani Kühn: Ek gaan my skoolloopbaan aanlyn voortsit en nog harder aan my akademie en verhouding met die Here werk.
Janco Lubbe: Ek gaan Tom Naudé toe waar ek nader aan die Here gaan probeer lewe en ook ander mense help om nader aan Hom te lewe. Ek wil ander mense help en beter vaar in my akademie.
Biandie van der Walt: Ek sal graag deel wil wees van die Bybelstudiegroep by Hoërskool Pietersburg. Ek sal ook graag deel van die rasieleiers aangesien ek mal daaroor is om te dans. Dan wil ek ook meer op my skoolwerk fokus en harder leer vir toetse. Ek beoog ook om kunsklasse en gasvryheidstudies te neem.
Luan Jooste: Dit is vir my ‘n nuwe begin by Hoërskool Pietersburg waar ek op my akademie en rugby gaan fokus. Ek gaan my huiswerk na skool doen en nie eers soggens voor skool nie. Ek gaan die beste doen wat ek kan.
Joanette Knoetze: Ek gaan beslis my akademie opskerp by Tom Naudé.
Lily Kriel: Ek gaan Hoërskool Pietersburg toe waar ek gaan werk aan my Christelike waardes en nader aan die Here leef. Ek gaan ook my akademie verbeter.
Dianna Leonard: In gr. 8 wil ek ‘n nuwe begin maak deur goeie studiegewoontes aan te leer en positief te bly. Ek gaan aanhou om goeie vriendskappe te bou, en op te staan vir my vriende. Ek wil elke dag my beste gee en leer uit my foute. Ek gaan na Hoërskool Pietersburg toe.
For more breaking news follow us on Facebook Twitter Instagram or join our WhatsApp group

At Caxton, every story is written by humans. We use AI only to perform quality checks - never to generate the news. Happy reading!
January 6, 2026
Maretha Swanepoel Less than a minute

Support local journalism

Add The Citizen as a preferred source to see more from Review in Google News and Top Stories.

Add as a preferred source on Google
Follow on Google News

Related Articles

Cathleen van Vuuren shares her vision for her incoming Gr 8 class

January 5, 2026

What matriculants are doing to stay calm ahead of NSC results release

January 3, 2026

Dis tyd vir kleuterskool, hoe nou gemaak?

December 31, 2025

Meet the ECD teacher shaping young minds at PEPPS

December 29, 2025
Back to top button