SASOLBURG – Die Vaaldriehoekse krieketseisoen is goed op dreef.

Die o14-krieketspan van die Hoërskool Transvalia het verlede Woensdag anderkant die Vaalrivier gaan amok maak toe hy Sasolburg Hoërskool op sy tuisveld met 9 paaltjies verslaan het.

 Die tuisspan is vir 59/10in die 16de beurt uitgeboul.

Ricardo Oelofse het 4/16 laat kantel en Ryan Hamilton het 3/6 platgetrek. Die besoekers het daarna slegs 7 beurte benodig om die telling verby te steek.

James van Vuuren (33*) en Nathan Engelbrecht (15*) het Valia se kolfaanslag gelei.

Die dogtersliga word op Maandae beslis, terwyl die o14’s, tweede spanne (T20), o15B-spanne en eerste spanne (T20) onderskeidelik Woensdae en Donderdae slaags raak.

Die eendagformaat wedstryde vir die o15A’s, tweede en eerste krieketspanne vind elke Saterdag plaas.