VEREENIGING. – Die ER24-ambulansdiens sê die fietrsyer, ‘n man in sy 30’s, is dood nadat hy Maandagoggend deur ’n vragmotor op die M61 naby Redan gestamp is.
Volgens Russel Meiring het noodienswerkers met aankoms die stilstaande vragmotor in die een baan aangetref met die liggaam van die dooi man en sy fiets daarnaby.
“Nooddienswerkers het gemerk dat hy talle beserings opgedoen het en geen tekens van lewe getoon het nie. Ongelukkig kon niks vir hom gedoen word nie en is die man dood verklaar,” het Meiring in ’n verklaring gesê.
Die polisie ondersoek ’n saak van strafbare manslag.