Becke Herbst ‘n Karretjie. Ek hou van lego’s speel en sal ‘n geel Jeep ontwerp wat met sonkrag werk.

Meyer Potgieter Ek sal ‘n hoog klimraam vir katte maak, met ‘n scratchy pad en ‘n balletjie waarmee hul kan speel. En daar sal sulke huisies vir ‘n kat en ’n klein Frenchie (Franse bulldog) wees met games in. Ek sal dit wit verf. Ek hou baie van katte.

Ryan van der Walt ‘n Rooi Mercedes sportmodel. Moet groot wees sodat ek daarin kan sit en dan ry ek met hom rond. Dit sal met batterye werk.

Mia Naude  Ek sal laat hulle ‘n babapop bou, ‘n dogtertjie met regte hare. Die pop moet ‘n sag lyfie met harde bene, armpies en kop hê en sy moet kan sit sonder om om te val.

Bion van Niekerk Ek sal ‘n rugbybal ontwerp wat sê hoeveel keer jy ‘n drie kan druk. Die bal moet ook self terugkom as ek hom skop en my vooraf sê of gaan hy oor die pale wees of nie.

Akira Lombard Ek wil ‘n speelgoed naaldwerkmasjien bou wat in so groot boks (sy beduie omtrent 30 x 30cm) pas. Dit moet neon groen wees en daar moet materiaal en garing by wees. Ek wil rokke, kouse, broeke en hemde kan maak, nes my twee oumas.