VANDERBIJLPARK – Die CK Dance Project het onlangs sy jaarlikse danseksamens by die Hoërskool Driehoek in Vanderbijlpark aangebied.

Sansers van alle ouderdomme het  die geleentheid gekry het om die vaardighede ten toon te stel waaraan hulle deur die jaar hard geslyp het.

Hoewel die spanning en senuwees voor elke optrede duidelik op die gesiggies sigbaar was, het die aanmoediging van familie, vriende ‘n warm en ondersteunende atmosfeer geskep wat die deelnemers gehelp het om die vlinders in hul magies te laat bedaar.

Die jaarlikse eksamens is ‘n belangrike mylpaal vir die dansers en bied aan hulle die geleentheid om hul tegniese vaardighede, dissipline en passie vir dans uit te stal.