Verlede Saterdag het die ouers en ander familielede van wyle Brandon Fourie saam met ‘n groot getal besorgde mense van verskillende rasse aan ‘n dwelm-bewusmakingsdag in die CW5-ongewing van Vanderbijlpark deelgeneem. Brandon is in Julie dood in die veld aangetref, vermoedelik na ‘n dwelmoordosis. Pers linte is om die bome gebind en kruise is in die veld geplaas waar hy gesterf het. ‘n Gebed is ook gedoen op die presiese plek waar sy liggaam gevind is. Dit was sy ouers, Hennie en Elda Fourie, se manier om hulde aan hul kind te bring, maar ook om ander jongmense te waarsku voordat dit te laat is. Die Community Support Forum en ander gemeenskapsorganisasies het ook die dag ondersteun. Hier is ‘n fotobeeld van die dag se bedrywighede.