PARYS. – Ruiterkuns uit die boonste rakkie was onlangs aan die orde van die dag toe die  SAWMGA Invitational Elite geleentheid by die AfriDome in Parys aangebied is. Behalwe vir SA se top ruiters, was ruiters van Amerika, Botswana, Namibië, Zimbabwe in aksie. Dié “Western Mounted Games” wat jaarliks hier aangebied word lok telkens groot belangstelling. Dit word beskou as een van die gewildste perdesportsoorte en deelname groei jaarliks en vinnig. Van die items waaraan ruiters deelgeneem het sluit in “barrel racing” wat waarskynlik die bekendste item is, “scurry”, “keyhole”, “stake race”, “flag race”, “speedball” en “bending poles”. Foto’s: HD Xion Pics. Dié span fotograwe (Dricky, Hennie, Chris en Marcelle) was die fotograwe by die geleentheid en het prag-aksiefoto’s aan Vaalweekblad beskikbaar gestel vir publikasie.