En hulle was nie verkeerd nie, dit wat hulle gesien het is Benedetto on Vaal, ‘n plaaslike en baie gewilde trou-venue langs die Vaalrivier, se nuwe boothuis, of riviervilla. Dié boothuis genaamd, House of Bell, is vernoem na die venue se geliefde Great Dane, Tinkerbell, wat in Desember dood is. Die groot trek is Vrydagoggend aangepak. Die luukse riviervilla is omstreeks 08:00 in die rivier by Riverside Sun te water gelaat, waarna die trotse eienaar, Gert van Rensburg en sy geselskap, die rit in die riviervilla tot by Benedetto on Vaal geniet het.
Die luukse riviervilla het ‘n enjin soos enige ander boot op die Vaalrivier, maar spog verder met drie lugverkoelers, ‘n alarmstelsel, slaapkamer en sitkamer ingerig met televisie, om maar net ‘n paar te noem.