Die meeste inwoners geniet die maandelikse besoek van die honde en hul hanteerders terdeë. Gister was daar ses honde aan diens, van die ervare Alek, ‘n Swart Russiese Terriër, en die 11-jarige Golden Retriever, Molly tot by die jongeheer Huckleberry wat maar vier maande oud is. Petra du Toit, Alek se hanteerder, sê Caring Friends bestaan al vir 11 jaar. “Ons besoek die June Nicholls Skool elke tweede Woensdag en Jeugland eenmaal per maand. Indien jy weet van ‘n organisasie wat ons kan besoek, hetsy in die dag of aand, of as jy en jou hond self wil betrokke raak, kontak ons gerus by 082 627 6201 of by info@happytailsdogtraining.co.za.”