25 Mei: Sedibeng Covid-19 gevalle styg na 49
Die Sedibeng-streek (ou Vaaldriehoek) het nou 49 geregistreerde Covid-19 gevalle, maar daar het intussen 21 van die pasiënte herstel. Dus is daar in totaal steeds 28 aktiewe gevalle. Lesers moet asb. kennis neem dat nie alle pasiënte noodwendig in hospitale opgeneem word vir behandeling nie.
Die gevalle in Sedibeng is: Emfuleni 33 (waarvan 14 herstel het), Midvaal 9 (waarvan 4 herstel het) en Lesedi (wat die Heidelberg-omgewing is) het 6 waarvan 3 herstel het. Daar is ook 1 geval wat nog nie aan een van die streke toegeken is nie. Daar is nie bekend gemaak uit watter spesifieke dorpe die pasiënte is nie.
Daar is in totaal reeds 2 773 Covid-19 gevalle in Gauteng geregistreer, waarvan 1 899 herstel het en 29 gesterf het. Daar is dus nog 874 aktiewe gevalle. ‘n Totaal van 103 pasiënte wat ernstige simptome ondervind is in staats- en privaat-hospitale opgeneem.
Die streke in Gauteng sien so daaruit:
Johannesburg – 1 385 (1 108 herstel) = 277 aktiewe gevalle
Ekurhuleni – 606 (452 herstel) = 154 aktiewe gevalle
Tshwane – 384 (271 herstel) = 113 aktiewe gevalle
Wes Rand – 111 (47 herstel) = 64 aktiewe gevalle
Sedibeng – 49 (21 herstel) = 28 aktiewe gevalle
Nie toegeken aan spesifieke streek – 238
