27 Mei: Sedibeng Covid-19 gevalle op na 64
Die Sedibeng-streek (ou Vaaldriehoek) het nou 64 geregistreerde Covid-19 gevalle, waarvan 21 van die pasiënte gelukkig reeds herstel het. Dus is daar in totaal steeds 43 aktiewe gevalle. Lesers moet asb. kennis neem dat nie alle pasiënte noodwendig in hospitale opgeneem word vir behandeling nie.
Die gevalle in Sedibeng is: Emfuleni 36 (waarvan 14 herstel het), Midvaal 9 (waarvan 4 herstel het) en Lesedi (wat die Heidelberg-omgewing is) het 8 waarvan 3 herstel het. Daar is ook 11 gevalle wat nog nie aan een van die spesifieke streke binne die gebied toegeken is nie. Daar is nie bekend gemaak uit watter dorpe die bevestigde gevalle is nie.
Daar is in totaal reeds 3 043 Covid-19 gevalle in Gauteng geregistreer, waarvan 1 955 herstel het en 31 gesterf het. Daar is dus nog 1 088 aktiewe gevalle. ‘n Totaal van 121 pasiënte wat ernstige simptome ondervind is in staats- en privaat-hospitale opgeneem.
Die streke in Gauteng sien so daaruit:
Johannesburg – 1 467 (1 125 herstel) = 342 aktiewe gevalle
Ekurhuleni – 642 (474 herstel) = 168 aktiewe gevalle
Tshwane – 412 (278 herstel) = 134 aktiewe gevalle
Wes Rand – 286 (57 herstel) = 229 aktiewe gevalle
Sedibeng – 64 (21 herstel) = 31 aktiewe gevalle
Nie toegeken aan spesifieke streek – 172
