Daardie jare was kombersjasse (die jasse was letterlik van komberse gemaak) die in ding en almal het serpe en handskoene gehad.

Die afgelope 29 jaar het dit gevoel asof die winters nie meer so erg byt hier op die hoëveld nie. Tot hierdie jaar. Julie van 2020 sal nie net vir Covid-19 onthou word nie, maar ook as die jaar wat die kwik weer gereeld tot onder vriespunt geval het.

Nicoleen Harmse van Vanderbijlpark het die foto’s ingestuur waar ‘n tuinfonteintjie oornag gevries het gedurende die ekstra koue nagte in Julie. Woensdagoggend, 15 Julie om 07:40 het haar slimfoon toep die temperatuur as -5 ˚C aangedui en die aanvoelbare temperatuur as -9 ˚C. Donderdag, 16 Julie om 06:41 was die temperatuur weer -5˚C en die aanvoelbare temperatuur -7˚C.