Volgens die Italiaanse koerant La Gazzetta dello Sport het die Suid-Afrikaanse 400m-wêreldrekordhouer positief vir Covid-19 getoets. Die 28-jarige blits is tans in kwarantyn in Gemona del Friuli in Italië waar hy vir sy oefenkamp vir die Europese seisoen gesetel is.

Van Niekerk is sedert 19 Julie in Italië en sou gister (Saterdag, 1 Augustus) aan die Triveneto-byeenkoms in die Grezar-stadion in Trieste aan die 100- en 400 m deelgeneem het. Dit sou Wayde se eerste verskyning op die internasionle front wees sedert hy in 2017  ’n ernstige kniebesering opgedoen het in ’n raakrugby-wedstryd vir celebrities op Nuweland in Kaapstad.