VEREENIGING. – Die Polisie en Tronke se Burgerregteunie (Popcru) sê hy is bekommerd oor die prosesse wat gevolg is om parool toe te ken aan oudkolonel Chris Lodewyk, wat in 2016 tot 18 jaar tronkstraf gevonnis is op aanklagte van rampokkery, korrupsie en geldwassery maar glo na minder as vier jaar vrygelaat is.

Dit volg nadat Lodewyk – of iemand wat op ’n haar na om lyk – onlangs in Vereeniging gewaar is.

Die voormalige polisiekolonel het glo vuurwapens in polisiebesit gesteel e naan onder meer Kaapse bends verkoop.

Popcru het in ’n verklaring aangedring dat die minister van justisie en korrektiewe dienste Ronald Lamola en die paroolraad die besluit om Prinsloo vry te laat verduidelik.

Volgens Popcru moet enige veroordeelde misdadiger ten minste twee derdes van hul vonnis uitdien voordat hulle vir parool in aanmerking kom. In Prinsloo se geval het hy nie eers ‘n derde van sy vonnis uitgedien nie.

“Ons sien dit as ‘n basislose besluit deur die paroolraad, inaggenome die feit dat Prinsloo as ’n senior offisier in die Suid-Afrikaanse polisiediens veronderstel was om die uiterste discipline toe te pas om aan die polisie se gedragskode te hou. Hy kan nie beloon word vir hierdie skandelike dade nie,” het Popcru in die verklaring gesê.

Popcru meen dit is ‘n klap in die gesig vir talle mense wat weens bendegeweld gesterf het en die toegewyde polisiemanne env roue wat hul lewens verloor het terwyl hulle misdade van hierdie sindikate ondersoek het.