Hoewel die toekoms op en van die sportveld af steeds onseker en duister is, is daar opflikkerings van die bekende verlede.
Met die aankondiging dat nie-kontak sportsoorte soos krieket weer kan begin oefen en vriendskaplike wedstryde speel, het die Hoërskool Transvalia die geleentheid met albei hande aangegryp.
Die skool se onderwysers en krieketseuns het mekaar Vrydagmiddag op die skool se velde in ‘n loslit-wedstryd die stryd aangesê.
Die liggaamstaal van ‘n ieder en elk op en langs die veld het van dankbaarheid en verligting getuig.
Daar het ook ‘n lekker atmosfeer geheers tydens die Pa en Seun-wedstryd wat Saterdag plaasgevind het.
Soos sake nou daarna uitsien, gaan klubkrieket weer op 7 November met vriendskaplike kragmetings hervat.
Daar word glo ook ‘n vriendskaplike toernooi vir skolekrieket beplan. Die inligting en bepalings van die onderskeie wedstryde en toernooi sal gedurende Oktober bekendgemaak word.
At Caxton, we employ humans to generate daily fresh news, not AI intervention. Happy reading!
