Local newsNewsNews
AfriForum hou Sasolburg se groenstroke en parke netjies
Die AfriForum-tak in Sasolburg sny gereeld dié dorp en Vaalpark se gras in die groenstroke en parke om die dorp netjies te hou. Die tak het reeds vier trekkergrassnyers aangekoop en die lede wat die gras sny is reeds ’n bekende gesig in die dorp. Ten spyte van die inperking het die tak vanjaar bykans 40 ha se gras gesny. Voordat die gras gesny kan word, moet die area uiteraard ook deeglik skoongemaak word.
“Ek is baie bly dat dié tak eienaarskap neem van hul dorp. Dit is baie sleg dat die munisipaliteit nie die diens verrig nie, maar gelukkig skroom die taklede nie om dié diens self te verrig nie. Die tak het ook ’n brief aan die Metsimaholo Munisipaliteit gerig oor die gebrek aan vullisverwydering wat veroorsaak dat sommige inwoners hul vullis sommer op enige plek strooi. Geen reaksie is egter al van die munisipaliteit gekry nie,” sê Alta Pretorius, AfriForum se distrikskoördineerder vir die Mooirivier.
Die gemeenskap word aangemoedig om by dié AfriForum-tak betrokke te raak om sodoende ’n daadwerklike verskil te maak: SMS “Sasolburg” na 31481 (R1).
At Caxton, we employ humans to generate daily fresh news, not AI intervention. Happy reading!
