Terwyl die 60- en 100m uitdunne en finale rondtes op die nuwe blou sintetiese baan beslis is, is die skool se goeie ou 400m grasbaan vir die 400m aflos gebruik.

Die tye is elektronies geneem. Die geleentheid is ook gebruik om die matrieks van 2020 vaarwel te heet.

Ná die lang inperking was dit goed om weer op die baan byeen te kom en atletiek te geniet. Streng Covid-19 reëls was in plek en maskers was ’n voorvereiste vir toegang tot die byeenkoms.