Nege honde is reeds gered nadat verskeie reddingswerkers ingespring het om die gesin en hul diere te probeer red wat in ‘n huis vasgekeer is, nadat die Rietspruit oorstroom het weens gisteraand se hewige stortbuie in die streek.

Die bejaarde mense in die huis kan ongelukkig nie deur die sterk stroom na veiligheid beweeg nie. Daar word ook probleme ondervind om met jetski en bote hul te probeer red, omdat daar te veel hindernisse net onder die watervlak is. Daar word verwag dat die weermaghelikopter omstreeks 11:30 daar sal wees om die vasgekeerde gesin van vier te red. Die pad is reeds afgesper en daar word nou angstig gewag, rapporteer Shane Pretorius, Vaalweekblad se korrespondent op die toneel (Kleinspruit, Lochvaal naby Barrage).