Die hoof, mnr. Rossie Briers, skryf: “Ondanks ’n jaar vol struikelblokke en hope stres, spreek Dr Malan, Klas van 2020, se uitslae van deursettingsvermoeë en uitsonderlike harde werk!”

“Ons ouers, leerders en puik personeel het hande gevat, hard gewerk en deurgedruk. En die uitslag: UITMUNTENDE MATRIEKUITSLAE!”

“Die matrieks van 2020 spog met 196 welverdiende vakonderskeidings, 14 van ons 17 vakke behaal ’n 100% slaagsyfer en 98.9% van hierdie uitslae voldoen aan tersiêre studievereistes.”

“Ons kan met trots sê dat 83.2% van ons leerders spog met universiteitsvrystelling!”

“Ons is trots op elke matrikulant en staan nederig voor ons Hemelse Vader vir ons kinders, ons ervare entoesiastiese personeel en ons wonderlike Dokkie-gemeenskap.”

“Hierdie rolspelers se volgehoue ondersteuning, versterk ons hande en bind ons saam om van krag-tot-krag ‘n blink toekoms vir ons leerders te bou. Ons Dokkie-leerders laat my hart warm klop.”