Die verkiesing van ‘n nuwe burgemeester was die enigste punt wat op die agenda aangedui is maar die raadsvergadering moes weens prosedurele redes uitgestel word.

Alan Mchloughlin, DA-raadslid en regsgeleerde, het intussen aan Vaalweekblad verduidelik dat hoewel die verkiesing van ‘n burgemeester wel op ‘n spesiale raadsvergadering mag plaasvind, nuwe raadslede eers ingesweer moet word en dat dit nie op ‘n spesiale raadsvergadering mag plaasvind nie maar by ‘n gewone raadsvergadering.

Dit was ‘n probleem aangesien die ANC se plan was om die vorige Burgemeester van Lesedi,  Lerato Maloka, vandag as burgemeester van Sedibeng in te huldig.

Die proses om iemand van buite die instansie in te bring om die leisels oor te neem staan bekend as “parachuting”.

Benewens dit was daar nie ‘n item op die agenda om nuwe raadslede in te sweer voordat hulle die burgemeester verkies nie.

Mchloughlin moes die relevante wette en bywette fisies vir die vergadering voorlees waarna ‘n verslae Speaker die sitting gekanselleer het.

Die Sedibeng-distriksmunisipaliteit het vir die afgelope twee maande nie gewone raadsverhadering gehou nie.

‘n Nuwe normale raadsvergadering is vir Vrydagoggend belê,

Die DA se sweep, Simon Mollo, het sy party se wantroue en skok uitgespreek dat so ‘n basiese wet nie gevolg kan word nie en dat raadslede se tyd so gemors kan word.