Anoniem van Vanderbijlpark skryf:

Hi almal. Ek wil almal se aandag daarop vestig, veral dié wat moontlik in die area kom koop, dat Nigeriese drug dealers en hulle meelopers besig is met ‘n nuwe slenter om motoriste in Bequerelstraat, Vanderbijlpark, uit hul geld te swendel.

As jy hier in die parkeerterrein of in die parkeerplekke langs die straat parkeer, stop hulle met ‘n voertuig agter jou. Wanneer jy dan agteruit ry, maak hulle asof jy hul voertuig gestamp het en dring daarop aan dat jy vir hulle geld moet gee of dreig om jou aan te rand.

Hulle het dit in die laaste twee weke al met vier voertuie gedoen – waarvan ek weet. Hulle is baie aggressief en dreigend. Die polisie doen net mooi niks daaraan nie, al is hulle gekontak daaroor! Wees versigtig asseblief.

* Vaalweekblad sal dit ook weer namens die besorgde leser onder die aandag van die Vanderbijlpark-polisie bring.

***********************************************************************************************