Sy spanmaat, Damian Araujo (Heron Banks GC: 147) was die toonbeeld van konstantheid en het met rondtes van 74 en 73 in Leeb se nek geblaas om algeheel tweede en eerste in die o.17-afdeling te eindig.

Dokkies se Stefan Janse van Vuuren (73 en 77) het tweede in die o.19-afdeling en vierde algeheel geëindig. Valia se Martin Papworth (Heron Banks: 76 en 80) het derde in die afdeling vir o.19’s en sesde algeheel geëindig.

Nog ‘n belowende Valia-speler, Anton van Dam (Heron Banks GC) het algeheel 9de en derde in die o.17-afdeling geëindig. Die Valia-groentjie, Wihandré Kruger (77 en 80) het met twee goeie rondtes algeheel sewende en tweede in die afdeling vir o.15’s geëindig. Sy spanmaat, Christopher Smith (Heron Banks: 84 en 87) het algeheel 16de en derde in die afdeling vir o.15’s geëindig. * SA Kids Golf was Sondag ook op Heron Banks in aksie. Die uitslae van dié toernooi was teen druktyd nog nie beskikbaar nie.