By die Vaalpark Primêre Skool word die kinders gereeld betrek by gemeenskapsprojekte. Die afgelope paar weke het die kinders in klasverband bederfpakkies vir die area se mediese werkers opgemaak.

By elke pakkie is daar ook dankie-briefies of tekeninge wat deur die leerlinge self gedoen is gevoeg, asook ‘n magneet met ‘n Bybelversie. Elke pakkie is verseël in ‘n “zip-lock” sakkie en is toe deur die skool se skakelbeampte, Charmaine Kriek gaan uitdeel by apteke en hospitale in Sasolburg, Vaalpark en Vanderbijlpark.

“Ons het regtig probeer om die mense te bereik wat in die Covid-sale werk, asook apteek personeel. Daar is baie aptekers wat nog die heeltyd werk vandat die Covid-pandemie uitgebreek het”, het Charmaine gesê. Almal wat die pakkies ontvang het was baie verras en het die gebaar baie waardeer.