Editor's choiceNews
Koel weer voorspel vir Mad Mac Marathon
Deelnemers kan Sondag ’n koue wegspring en ’n meestal bewolkte oggend verwag.
MEYERTON – Koel weer word vir Sondag, 4 Oktober, voorspel wanneer deelnemers aan die Midvaal Mad Mac Marathon en gepaardgaande wedlope by Café du Cirque in Daleside, Randvaal, wegspring.
Volgens AccuWeather se huidige voorspelling sal die temperatuur omstreeks 06:00 sowat 9°C wees, voordat dit teen 08:00 tot ongeveer 14°C en teen 10:00 tot 18°C styg.
Meestal bewolkte toestande en ’n maksimum van sowat 20°C word verwag. Die voorspelde kans op reën gedurende die dag is tans 9%.
Die marathon van 42,2 km begin om 06:00. Deelnemers aan die 22 km- en 11 km-wedlope spring om 06:15 weg, gevolg deur die 5 km om 06:30.
Deelnemers word aangeraai om die jongste weervooruitsig voor die wedloop na te gaan, aangesien voorspellings kan verander.
At Caxton, every story is written by humans. We use AI only to perform quality checks - never to generate the news. Happy reading!
