VAALPARK. – Die Primêre Skool Lumiére het op 22 April hul deel vir Aardedag gedoen. Die kinders het twee bome geplant en meer geleer oor hoe om die omgewing te bewaar en waarom bome so belangrik is.

Aardedag word sedert 1970 gehou, nadat ‘n Amerikaanse senator, Gaylord Nelson, voorgestel het dat daar jaarliks so ‘n dag gehou word ten einde mense bewus te maak van omgewingsbewaring.

Die afgelope 51 jaar het die boodskap van Aardedag oor die wêreld versprei. Hierdie jaar het meer as ‘n biljoen mense uit 192 lande aan aardedag verrigtinge deelgeneem. 2021 se tema was Herstel Ons Aarde (Restore Our Earth™), wat daarop gemik is om ekologiese sisteme wêreldwyd te herstel.

Gaan besoek gerus www.earthday.org vir meer inligting. Soos wat Lumiére Primêre Skool op hul Facebookblad geskryf het: Ons het #EarthDay2021 gedenk deur terug te gee aan die natuur. Ons het 2 bome geplant wat eendag baie koelte vir ons leerders gaan bied.”