VEREENIGING. – Vaalweekblad en plaaslike raadslede is die afgelope paar dae oorval met klagtes oor waterlekke en liters en liters water in die strate vloei.

Van Thamesrylaan, tot Speylaan, tot Palmstraat is daar water wat lek.

Volgens rdl. Daleen Venter van Drie Drie Riviere gee mense oor en weer waterlekke deur.

“Net in Drie Riviere het ek al 81 gelys en van die waterlekke wat reeds reggemaak is lek weer,” vertel sy.

Venter het op ‘n plaaslike WhatsApp-groep wat uitsluitlik vir die doeleinde van waterlekke gestig is gesê dat ernstige waterlekke reeds aan Metsi-a-Lekoa aangemeld is.