Eureka Skool hou Damestee
Die Eureka Skool vir fisies en verstandelik erg gestremde leerlinge hou jaarliks verskeie fondinsamelingsprojekte, waarvan hul Damestee elke jaar baie gewild is.
VEREENIGING. – Daar is nog enkele kaartjies beskikbaar vir Eureka Skool se Damestee saam met Sonja Heroldt wat op Saterdag, 22 Mei plaasvind.
Die jaarlikse fondsinsamelingsprojek vind by Lions Creek, Glen Donald plaas en begin om 09:30. Kaartjies beloop R180 per persoon en sluit ‘n ete in.
Daar sal ook ‘n kunsmark wees met allerlei items wat deur die leerlinge self gemaak is. Vir meer besonderhede kontak vir Anna-Marie by pro@eurekaschool.co.za of skakel haar op 083 440 1025.
Eureka Skool benodig ook dringend komberse vir van hul minder bevoorregte leerlinge. Enige skoon, heel komberse (oud of nuut, gekoop, gebrei, gehekel of self aanmekaar gestik) kan tydens skoolure by die Eureka Skool in Kwaggastraat in Vereeniging afgelewer word.
Vir meer inligting rondom hierdie projek, kan die skool geskakel word by 016 421 1064/5.
