VANDERBIJLPARK. – Eerskomende Saterdag gaan die nerwe waai wanneer die NWU Vaal en Vereeniging Rugbyklub (VRK) se spanne mekaar op die oewer van die Vaalrivier aandurf. NWU Vaal wat verlede Saterdag vir Benoni in sy eerste wedstryd in die Valke se Peregrine-liga met 28-18 geklop het, speel Saterdag gasheer vir VRK die huidige Valke-kampioen. VRK het verlede week teen Springs weens Covid-gevalle onttrek en NWU Vaal moes ook ‘n ander plan maak nadat Brakpan om dieselfde rede onttrek het. Dié jaarlikse derby sorg jaarliks vir groot opwinding en vanjaar gaan geen uitsondering wees nie. Geen toeskouers sal by die wedstryde toegelaat word nie en stren Covid-maatreëls sal gevolg word.