VANDERBIJLPARK. – NWU Vaal se eerste rugbyspan het Brakpan vroeër vanmiddag met 53-10 druipstert huis toe gestuur. Hoewel die studente aanvanklik gesukkel het om aan die gang te kom, het hy in die tweede helfte die versneller platgetrap om dié kragmeting in die Valke se Peregrine-liga gemaklik te wen. NWU Vaal het skoonskip gemaak met sy o.20-span wat met ‘n oortuigende sege met 43-12 oor die Panners die toon vir die dag geset het.