MEYERTON. – Bruce Fordyce, die Legendariese Comrades-koning, het verlede week by Swagga Brewries atlete van regoor die Vaaldriehoek toegespreek.
Fordyce het na sy praatjie sy nuwe boek Winged Messenger: Running Your First Comrades Marathon bemark en sy waardevolle handtekening in kopieë daarvan ten aanskoue van sy bewonderraars aangebring.
Die goue medalje wat die negemalige- Comrades-kampioen, in 1982 in ‘n spogtyd van 5 uur 34 minute en 22 sekondes gewen het, was ook ‘n groot trekpleister onder die atlete wat sy praatjie bygewoon het.