Die Britse Daily Mail het vandag eksklusief aangekondig dat die wêreldrekord vir die vrou wat geboorte aan die meeste meerlinge gegee het, onlangs oortref is. Die koerant berig dat mev. Halima Cisse (26) van Casablanca, Marokko, op 5 Mei vanjaar geboorte aan 9 babas gegee het. Die babas, vier seuns en vyf dogtertjies, is nog in broeikaste in die hospitaal en sal oor sowat 2 maande ontslaan kan word.

Die vorige wêreldrekord is gehou deur mev. Nadya Suleman, wat in 2009 geboorte aan 8 babas gegee het.

‘n Suid-Afrikaanse vrou het vroeër vanjaar beweer dat sy geboorte aan ‘n tienling gegee het, maar haar storie is later vals bewys nadat deeglike mediese ondersoeke bevind het dat sy nie onlangs geboorte gegee het nie. Daar was ook geen hospitaalrekord om haar bewering te staaf nie en haar sogenaamde 10 babas was ook nêrens te vinde nie.