Vier Valies kwalifiseer vir Wêreld Juniors
VANDERBIJLPARK. – Die Vaaldriehoek se atletiekfabriek spog met twee uitvoerprodukte wat van 17-22 Augustus in Kenia aan die Wêreld Junior (o.20) Atletiek Kampioenskap gaan deelneem. Atletiek Vaaldriehoek (AVT) loop breëbors rond nadat Jason ‘Bullet’ Bowers en Renier de Villiers onderskeidelik vir die 300m en 800m gekwalifiseer het. Nog twee oud-Vaaldriehoekers wat die span gehaal het, …
VANDERBIJLPARK. – Die Vaaldriehoek se atletiekfabriek spog met twee uitvoerprodukte wat van 17-22 Augustus in Kenia aan die Wêreld Junior (o.20) Atletiek Kampioenskap gaan deelneem.
Atletiek Vaaldriehoek (AVT) loop breëbors rond nadat Jason ‘Bullet’ Bowers en Renier de Villiers onderskeidelik vir die 300m en 800m gekwalifiseer het.
Nog twee oud-Vaaldriehoekers wat die span gehaal het, is Jada van Staden (400m-hekkies en 4x400m) en Marione Fourie (100m-hekkies).
Jada het haar laerskoolloopbaan in die Vaaldriehoek voltooi.
Fourie, ‘n oudleerling aan die Hoërskool Driehoek in Vanderbijlpark, het onlangs vir die Wêreld Junior Atletiek Kampioenskap in Kenia gekwalifiseer. Sy is tans die SA Junior-, SA Studente- en SA Senior-kampioen in die 100m-hekkies.
