Die Vereeniging Kunsfees se komitee vra dat alle voornemende deelnemers aan vanjaar se fees, asseblief kennis van hierdie datums moet neem:

1. Die inskrywingsdatums vir alle afdelings – musiek, drama en beeldende kunste – het begin op Maandag 2 Augustus, maar is verleng met 1 week, en kan nou gedoen word tot en met Vrydag 13 Augustus.
2. Die beoordeling van die Musiekafdeling vind steeds plaas vanaf Maandag 30 Augustus tot en met Saterdag 4 September.
3. Die datums vir Beeldende Kunste is ook soos tevore:
   • Kunsstukke word ingehandig vanaf Maandag 23 Augustus tot en met Woensdag 25 Augustus.
   • Beoordeling vind plaas op Saterdag 18 September.
4. Die beoordelingsdatums vir Drama word, op versoek van skole, weer eens uitgeskuif.
   • Beoordeling word beplan vanaf Maandag 27 September tot en met Donderdag 30 September, en dan weer vanaf Dinsdag 12 Oktober tot en met Saterdag 13 November.

Die finale datums waarop ‘n item beoordeel word, sal soos in die verlede bepaal word en bekendgemaak word nadat alle inskrywings ontvang is. Alle beoordelings vind plaas in die Teater van Hoërskool Drie Riviere.

“Ons sien uit daarna om Kunsfees2021 aan te bied,en sien eweneens uit na u inskrywings!,” sê mnr. Imker Hoogenhout, Voorsitter: Vereeniging Kunsfees.

Nog inligting is beskikbaar by hierdie webwerf-skakel:

https://www.vereenigingartsfestival.co.za 

*********************************************************************************************************************