VEREENIGING. – Die lang gewag is uiteindelik verby.  Die T20-Blast reeks vir o.11 en o.13-spanne skop uiteindelik eerskomende Vrydag om 15:00 op Verref se velde af, wanneer die VYC Rockets en ACC Spartans se  o.11-krieketspanne mekaar die stryd aansê. Saterdag se krieketprogram is ook propvol met ‘n o.11- en twee o.13-kragmetings wat plaasvind. Die eerste kragmeting tussen die Saints en die VYC Blasters skop om 08:30 af, waarna die o.13’s mekaar om 11:00 (VYC Astros vs ACC Starship) en 13:30 (KP Reds vs Saints) aandurf. Die tweede ronde van die reeks vind op 20 en 21 Augustus plaas. Die laaste kragmetings van die reeks word op 27 en 28 Augustus beslis.