VEREENIGING. – Die eerste kragmetings van die T20 Blast-reeks is die naweek op Verref se velde beslis. Die reeks vir o.11 en 13-spanne strek van 13 tot 29 Augustus. Met laerskole skolesport wat tans nie plaasvind nie, verskaf dié reeks broodnodige oefening in wedstrydverband vir die spelers wat andersins ledig by die huis sou gesit het. Stephan de Villiers, die organiseerder van die reeks, is ‘n voorstander van junior krieket ontwikkeling in die Vaaldriehoek. Die gesogte Sedibeng Premier Liga (SPL) is ook sy breinkind en getuig van sy onderneming om laerskole-krieket in die Vaaldriehoek te laat groei en verbeter. Kyk uit vir Vaalweekblad vandeesweek vir ‘n volledige berig en uitslae van die eerste rondte se kragmetings.