SASOLBURG. – Die sesde Spring Dash-byeenkoms wat deur Transvalia Atletiekklub gereël word, vind vanmiddag om 15:30 tot 18:00 op die DP de Villiers-stadion plaas. Atlete van oral maak gebruik van die byeenkomste om vir aanstaande jaar se atletiekseisoen voor te berei.  Die middel en langafstand atlete wat vir die SA landloop Kampioenskap gekwalifiseer het, het die byeenkomste ook gebruik om aan hulle fiksheid te werk. Die Dash-byeenkoms vir Vrydag 24 September is weens die langnaweek gekanselleer.